bitin
April 7, 2010
journey
September 11, 2009
as you search for the pot of gold…
i am here, ready to hold.
buhay, kay labo..
sorbetes
March 14, 2009
nagdaan ang ilang buwan na walang problema
nagpasko, bagong taon, at valentine’s pa
di namalayan nagkukulang na pala
..
sa isang iglap, ang minsa’y naulit
hindi masabi gaano kasakit
sana ay tunay nang naging manhid
..
pilit itinatago ang nararamdaman
ang pinapakita’y pawang kasiyahan
marahil umabot na sa kabaliwan
……
inakalang ang lahat ay sukdulan na
ang mga nangyari, pala’y hindi pa
ang nagsisilbing sandalan, biglang nasira
..
tila unti-unting gumuguho
sa tatlo, isa na lang ang nakatayo
kaya pa kaya hanggang sa dulo?
..
hindi ko na talaga alam
kung ano ang kahihinatnan
ipagbabahala na sa kapalaran
……
buti na lamang, may isa pang natitira
inaasahan na sana’y di magiba
ang tatahaki’y mahaba-haba pa
..
naniniwalang maaayos din sa huli
ang isa ay maitatayong muli
ang isa pa’y mapapalitan ng mas mabuti
..
ngunit marahil ay matatagalan
ngayo’y gusto munang gumaan
ice cream siguro ang kailangan
sadyang malabo ang buhay..
isang liham para sa iyo
October 4, 2008
kumusta ka na?
maayos ka na ba?
nabalitaan ko
ang sinapit mo
ano ba ang nagyari?
walang sa aki’y makapagsabi
masakit pa ba?
sana nama’y
mga sugat mo
agad maghilom
upang ang lahat
ay bumalik na sa dati
siya nga pala
sana ako’y mapatawad
dahil sa mga oras na ‘yon
nang kailangan mo ng tulong
ako’y nawawala
nasa kung saan man
magsabi ka lang
kung anong kailangan
lahat ng kaya ko
gagawin para makatulong
o, s’ya
magpahinga ka na muna
magpagaling ka ha
ang labo ng buhay diba..
tulang pasalaysay
October 2, 2008
ang kapalaran ko’y bakit ganito?
..
matapos iwan ng minamahal
akala ko’y buhay ay wala nang saysay
pinili niya ang pag-aaral sa ibang bansa
habang ako’y narito, lugmok sa luha
ngunit napagisip-isip, marahil di pa siya
marahil ibang babae ang nakatadhana
datapwat, kung siya na nga, sa huli’y kami pa rin
..
sa ganyang pag-iisip, pinilit magpatuloy
kaya nang makita ang mga kaibigan, hayun
walang nakapansin ng aking dinaramdam
hindi ko inakalang isa pala sa kanila
isa sa aking mga kaibigan ang magdadala
magbubukas ng bagong pinto
sa isang kakaibang dilag ipinakilala
..
siguro ay iyong masasambit
puro babae na lang ang laman ng aking isip
marahil tama ka, siguro’y hindi rin
ang sa akin lamang ay ganito
hindi ba’t bahagi ng lalaki ang magkagusto?
kaya naman ang bagong kilalang dilag
naging bahagi rin ng kwento ng buhay ko
..
matapos na kami’y magkakilala
tuluyan pang kinilala ang isa’t isa
kaming dalawa ay madalas magkausap
halos araw-araw, kami’y nagkakasama
hindi natatapos, hindi nakukumpleto
aking araw nang hindi siya nakikita
di ko namalayang ako’y nahuhulog na
..
may isang araw na di ko malilimutan
sinamahan ko ang isang kaibigan
nakita ko siya, may sinamahan rin
aming mga kaibigan ay magkikita pala
sila’y nagmamahalan, ang naisip ko
pakiramdam ko’y kami’y nasa kasal nila
ako ang kanilang bestman at siya ang maid-of-honor
..
tuluyan na nga akong nahulog sa kanya
di ko mapigilan ang kabang baka malaman niya
paano na? pagkakaibiga’y baka mawasak
isipin mo na lang ang aking naramdaman
nang iniiwasa’y nangyari, dahila’y di alam
ang tanging nasisiguro ko lang
mundo ko’t puso’y napira-pirasong muli
..
bakit kaya ganito ang kapalaran ko?
sa pag-ibig laging sawi, puso’y nasasaktan
siguro’y ang tadhana ay sadyang mapaglaro
at ako ang napili niyang paglaruan
kahit pagod na, pa rin ako’y umaasa
pagkakaibigan nami’y mabuo pa
at ang buhay ko’y maayos pa ni tadhana
ang corny pero yeah..
malabo ang buhay eh..
kalabuan.ng.buhay 